Nagmalampuson ang gilusad na programa kagahapong adlawa, Pebrero 20, 2024, didto sa Marco Polo Plaza Hotel, dakbayan sa Sugbo.
Ang PLANADO (Plan & Do) nga programa sa Department of Human Settlements and Urban Development (DHSUD) gituyo na pagpayano ug pag-digital sa proseso sa pagpalambo sa paggamit sa yuta ug urban planning, sa katuyoan nga tukoron ang makinaadmanon, lunhaw, masiboon, ug malukpanong pamuyo.
Si Cebu City Mayor Michael Rama maoy keynote speaker sa maong kalihukan.
Naghinaot si Mayor Rama na dili lang kini kutob sa launching ang program kundili kinahanglang mapadayon gyud kini.
Gipadayag usab ni Mayor Rama nga ang dakbayan sa Sugbo nagkinahanglan gyud og daghan nga housing program, nga iyang gipanghinaut nga maaprobahan sa DSHUD.
Ang mga nitambong s amaong kalihukan mao sila si DHSUD Undersecretary Henry L. Yap, DHSUD Assistant Secretary for Regional Operations Daryll Bryan L. Villanueva, DHSUD- Environmental, Land Use, and Urban Planning and Development Bureau Director Mylene A. Rivera, City Planning Development Office (CPDO) Head Architect Joseph Michael “Yumi” Espina, CPDO Assistant Head Anne Marie Cuizon, ug uban pang mga tinugyanan sa hingtungdang mga ahensaya sa gobiyerno.
(Renante Socia Lada)
(Source: Cebu City PIO)
