Sa nagpadayon nga pagsaka sa kainiton sa panahon aduna nay mga lugar sa Sugbo ang ni suspenso sa ilang klase gikan sa pinakaubos na level hangtod sa High School.
Didto sa dakbayan sa Lapu-Lapu gipahibalo ni Mayor Junard Chan nga “Sugod April 3 – 12, mag modular class usa ang atong mga estudyante gikan sa nursery hangtod sa high school.”
Sa dakbayan sa Talisay usab ila nang gi suspenso ang ilang face to face nga klase aron pagseguro sa kaluwasan sa mga tinun-an ug magtutudlo.
Matod pa sa fb post ni Talisay City Mayor Samsam Gullas sa iyang fb post nga sa ilang meeting gahapong adlawa uban ang DepEd Talisay ilang nakab-ot ang pagsuspenso sa klase sugod Abril 3 hangtod 14, 2024.
Samtang didto sa lungsod sa Minglanilla gipahibalo usab ni Mayor RAJIV ENAD nga suspendido usab ang ilang mga klase sa matag tunghaan sugod karong adlawa.
Sa siyudad sa Sugbo usab ni rehangyo si Cebu City Councilor Rey Gealon ngadto sa buhatan sa mayor na e suspenso ang klase gumikan sa gitas-on sa heat index.
Apil usab sa pagsuspenso ang mga pangpublikong tunghaan sa dakbayan sa Naga, lungsod sa Liloan ug lungsod sa Cordova.
Mahinomduman na ning mga nakalabay na adlaw ang temperatura sa Sugbo niabot ngadto sa 38°C.
Nangindahay usab ang ubang mga tinun-an ug magtutudlo sa ubang lugar nga grabing na apiktuhan sa huwaw o kainiton sa panahon na maapil sila sa blended learning. (Renante Lada)