Nikutlo og usa ka kinabuhi ug niangol ang nahitabong disgrasya tali sa pickup truck ug trailer truck, didto sa National Highway Barangay Langtad, Dakbayan sa Naga, Probinsya sa Sugbo, pasado alas 4:00 sa kadalawon, Septembre 14, 2024.
Ang nakalas giila sa Naga City Police Station na mao si Robert Jimenez, hingkod ang panuigon, ug ang naangol naila nga mao si Aaron Mata, 34 anyos ang panuigon. pulos sila mga sakay sa naasoy nga pick up truck.
Naila usab ang nagmaniho sa trailer truck nga mao si Jayson Marven Cabrilllos, 25 anyos, taga siyudad sa Lapu-Lapu.
Sa imbestigasyon sa kapulisan sa maong dakbayan nasayran nga sa maong lugar og oras nagbiya ang pick up truck nga gimaniho ni John Reggie Vivar Hiba, 24 anyos ang panuigon nga nidasmag sa trailer truck nga parking sa maong lugar.
Nasayran usab nga giduka ang driver sa trailer truck na maoy hinungdan nga ni parking kini daplin sa karsada apan wala kini nagbutang og early warning device na posibling wala ka bantay ang sakyanan nga nidasmag.
Sa pagkakaron gihimo pa ang dugang imbestigasyon sa kapulisan kalabbot s amaong aksidenti na niklas og usa ka kinabuhi. (Renante Lada and Ting Joe Pepito)