Na aresto sa gipahigayon nga operasyon sa mga personahe sa Piñan MPS, uban sa koordinasyon sa 1st ZNPMFC, 901st RMFB9, ug ZN PIU ang usa ka 37 anyos nga lalaki, tali sa alas 4:15 sa buntag hangtod sa alas 5:30 sa buntag , Pebrero 25,2025 didto sa Purok Marang, Brgy. Del Pilar, Piñan, Zamboanga del Norte.
Naila ang dinakpan nga si Virgilio Simborio Aviles Jr.,negosyante,kinsa gi aresto tungod sa kasong paglapas sa RA 10591, ubos sa search warrant nga gi-isyu ni Hon. Jose Rene G. Dondoyano (RTC, 9th Judicial Region, Dipolog City, pinetsahan Pebrero 19, 2024.
Sa maong operasyon nakuha gikan suspek ang usa ka .357 caliber revolver nga walay serial number, upat ka buhing bala sa .357, ug usa ka army green sling bag.
Ang suspek igo nga gipahibalo sa iyang mga katungod sa konstitusyon ug gitanggong karon sa Piñan MPS samtang nagpaabot sa pagpasaka og kaso.(Medalyn U. Borja)
Source: ZNPPO