Lain na usab nga kasalampusan sa kapulisan sa Police Regional Office (PRO-7) batok sa mga durugista na nag operate sa rehiyon-7 diin nahulog na usab sa ilang mga kamot ang usa ka High-Value Individual.
Pasado alas 4:41 kagahapon sa hapon, Hulyo 7, 2023, didto sa Barangay Mactan, siyudad sa Lapu-Lapu gilusad ang buy-bust operations.
Ang suspetsado giila sa Lapu-Lapu City Police Office (LCPO) nga mao Rhoniel Vilvestre Abastas, alyas Ron-Ron, 35 anyos ang panuigon, freelance photographer. Residenti sa F Jaca St., Tabok-Canal, Brgy. Pardo, dakbayan sa Sugbo.
Nakuha sa iyang position ang gituha-ang shabu nga adunay timbang nga 1,050 grams ug street value nga Php7, 140,000. 00.
Segon sa kapulisan sa LCPO nga si Abastas bag-o lang na ila nga drug personality diin maka baligya kini og usa ngadto sa duha ka kilo matag buwan sa ginadiling drugas.
Giisip nga dakong kalampusan ang ilang joint operations sa mga sakop sa LCPO ug Naval Forces Central (NAVFORCEN).
Sa pagkakaron giandam na ang kasong kalapasan sa Sections 5 and 11 of RA 9165 or The Comprehensive Dangerous Drugs Act of 2002.
Samtang gisuta usab kung si kinsa ang tig supply sa ginadiling drugas sa dinakpan. (Renante Lada)
