Usa ka Philhealth Konsulta Caravan ipahigayon sa dakbayan sa Mandaue karong umaabot Marso 22, 2024 sa Mandaue City Cultural and Sports Complex.
Diin kining maong programa adunay libre nga medical consultation, laboratory services ug mga tambal sa tanang taga siyudad sa Mandaue.
Aron makapahimulos sa maong kahigayunan kinahanglan musayo kay ang unang maabot mao usab ang unang atimanon hangtod usa ka libo ka mga tawo.
Giawhawg na magpalista daan tungod kay ang makapahimulos niini kadto lang meyimbre sa Philhealth sa tagsa-tagsa ka mga Barangay.
Sugdan usab ang pagpanglista karong adlawa hangtod Marso 15, 2024 sa matag Barangay Health Centers. (Renante Lada)