Gilungkab sa mga wala mailhing kawatan ang usa ka ATM machine ug Pharmacy sa North Road, Barangay Jagobiao, Mandaue City, kagahapon sa buntag, Hunyo 3, 2025.
Sumala sa imbestigasyon sa kapulisan, ang mga suspetsado nakasulod sa botika pinaagi sa paghimo og lungag sa pader nga nag-atubang sa usa ka bakanteng lote. Nadiskobrehan usab nga walay security guard nga naka-duty sa maong establisimento sa maong orasa.
Matod sa Mandaue City Police Office nga posibling usa ka dako nga grupo ang nihimo sa maong krimin.
Sa pagkakaron, padayon pa ang imbentaryo sa mga butang nga posibleng nakuha sa mga kawatan, samtang gipadayon usab sa kapulisan ang ilang imbestigasyon aron maila ang mga suspetsado.
I via Renante Socia Lada