Arestado sa kapulisan ang usa ka 40 anyos nga Lalaki,mga alas 9:30 ang takna sa buntag,niadtong Enero 15, 2025, didto sa Brgy. Tambalang, Salug, Zamboanga del Norte.
Ang maong dinakpan naila nga si Fernando Dupol Marañas, alyas “Pando”, minyo, ug residente sa nasangpit nga Barangay kinsa gidakop tungod sa krimen nga Frustrated Murder.
Gidakop kini pinaagi sa Tracker Team sa Salug MPS,uban sa mga personahe sa 2nd PMFC, pinasikad sa warrant of arrest nga gipirmahan ni Hon. Grace C. Tillah, Presiding Judge sa RTC Branch 28, Liloy, Zamboanga del Norte, pinetsahan og Disyembre 5, 2024, nga adunay girekomendar nga piyansa nga mobalor sa Php 120,000.00., alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon, lakip ang Miranda ug ang Anti-Torture Act, ug anaa na karon sa kustodiya sa Salug MPS alang sa tukmang disposasyon. (Medalyn U. Borja)
(Source: ZNPPO)