Naluwas sa Philippine Coast Guard (PCG) ang 14 ka mga tawo nga sakay sa MBCA Ayoshi Kim Rin 8 sa kadagatan tali sa Balicasag Island ug Panglao, Bohol, niadtong Pebrero 24, 2025.
Sa dihang nadawat sa Coast Guard Sub-Station (CGSS) Balicasag ang kasayuran bahin sa panghitabo, dali silang miadto sa nahisgutang dapit aron mohatag og tabang.
Malampusong natransfer sa mga rescuer ang 12 ka pasahero, ang kapitan sa bangka, ug usa ka tripulante ngadto sa MBCA Nika ug Niah Naj. Human sa pagluwas, ilang gidala pinaagi sa towing ang nilutaw nga motorbanca balik sa baybayon sa Panglao.
Base sa imbestigasyon, ang maong bangka nagkaproblema sa makina nga maoy hinungdan sa pagkawala sa kontrol niini samtang padulong sa Panglao. Nakasinati usab sila og kusog nga balud ug sulog, nga midugang sa kadaot sa sakayan.
Ang tanang giluwas nga pasahero, nga anaa sa maayong kahimtang, gibalhin ngadto sa Municipal Environment and Natural Resources Office (MENRO) sa Panglao alang sa dugang nga tabang.
Source: PCG7
I via Renante Socia Lada