Atol sa iyang pagbisita sa Sugbo karong Lunes, gisusi ni Presidente Ferdinand “Bongbong” Marcos Jr. ang nagpadayong rehabilitasyon sa flood mitigation structure sa Mananga River sa Talisay City nga nadaot tungod sa Bagyong Tino niadtong Nobyembre 2025.
Matud sa Presidente, importante nga mapaspasan ang rehabilitasyon sa maong proyekto aron mamenosan ang peligro sa pagbaha ug mapanalipdan ang mga komunidad nga pirmeng maapektuhan sa kusog nga ulan ug pagbaha. Ilalom kini sa padayong pagpatuman sa Oplan Kontra Baha sa rehiyon sa Central Visayas.
Gimando usab ni Marcos ngadto sa Department of Public Works and Highways (DPWH) nga paspasan ang trabaho aron masiguro ang kaluwasan sa mga residente sa mga barangay sa San Isidro, Lawaan II, Mohon, Dumlog ug Biasong sa Talisay City.
Gipalig-on usab sa gobyerno ang pagpanalipod sa mga kabus ug delikadong komunidad pinaagi sa pagpatuman sa No-Build Zone ug pagpreserbar sa mga river easement area aron malikayan ang pagpuyo sa mga lugar nga adunay dakong risgo sa baha. Sumala sa Malacañang, kini kabahin sa pangmalungtaron nga solusyon aron mapanalipdan ang kinabuhi, panginabuhian ug kaugmaon sa matag Pilipino.
I via Renante Socia Lada