Eksaktong 505 ka tuig sukad sa pag-abot sa Portuges nga explorer nga si Ferdinand Magellan sa Pilipinas, miabot sa The Mactan Newtown ang Pres. Ferdinand R. Marcos Jr. aron pangulohan ang opisyal nga inauguration sa Mactan Expo sa Lapu-Lapu City, Cebu, kagahapon.
Ang maong kalihokan giila nga usa ka dakong kalambuan sa pagpalambo sa The Mactan Newtown ug sa Lapu-Lapu City aron mahimong usa ka nag-unang destinasyon sa Meetings, Incentives, Conventions, and Exhibitions (MICE) sa rehiyon.
Ang Mactan Expo mao ang gikatakdang gamiton nga venue sa 48th ASEAN Leaders’ Summit nga pagahimoon karong Mayo, diin gilauman nga motambong ang mga lider ug delegado gikan sa nagkalain-laing nasod sa Association of Southeast Asian Nations o ASEAN.
Sumala sa mga opisyal, ang maong pasilidad makatabang sa pagdani og daghang internasyonal nga kalihokan ug bisita sa Cebu, nga makapadasig sa turismo ug ekonomiya sa rehiyon.
Source: Lapu-Lapu City LGU
I via Renante Socia Lad