Padayon karon ang random drug testing sa mga empleyado sa Cebu Provincial Government niadtong Lunes, Marso 16, 2026, isip kabahin sa pagpatuman sa estrikto nga drug-free workplace policy sa kapitolyo.
Gisugdan ang maong testing human mapirmahan ni Gob. Pamela Baricuatro ang Executive Order No. 2 niadtong Enero, nga nagpatuman sa Drug-Free Workplace Ordinance. Ang maong ordinansa nagmandato og random drug test sa tanang opisyal ug empleyado sa kapitolyo bisan unsa pa ang ilang ranggo o posisyon.
Ang drug testing gipahigayon sa Philippine Drug Enforcement Agency atol sa General Assembly sa mga empleyado sa Kapitolyo.
Sumala sa mga otoridad, gisunod ang estriktong chain-of-custody procedures sa pagdumala sa mga sample ug gisiguro usab ang confidentiality o pagpanalipod sa resulta sa matag empleyado nga nagpa-drug test.
Source: Cebu Province PIO
I via Renante Socia Lada