- Advertisement -
Nakugang ang mga tawo sulod sa usa ka mall sa dihang niulbo ang kalayo sa usa ka kan-anan. Didto kini nahitabo sa SM Seaside, Barangay Mambaling, siyudad sa Sugbo, pasado alas 6:50 kagabii, Nobyembre 1, 2023, ug na fire out kini pagka alas 6:52 sa gabii.
Ang Kogi Q maoy naigo sa sunog diin gisaka kini sa first alarm. Dali kining girespondihan sa kabomberohan ug mga fire volunteers og dali ra usab kining napalong.
Si FO3 Emerson Arceo, imbestigador sa Cebu City Fire Department nibutyag nga nikabat sa P2.2 milyon ang danyos sa naasoy nga sunog.
Ang kabomberohan padayon pa nga nag inbestigar kung unsay hinungdan sa pag ulbo sa sunog. (Renante Lada, photo credits to the owner)
- Advertisement -