Nagbutang ang Cebu City Government og emergency hotline numbers sa mga pampublikong eskwelahan aron mas paspas ang paghangyo og tabang panahon sa emerhensiya.
Si Mayor Nestor Archival uban si City Councilor Dave Tumulak, misusi sa Ramon Duterte National High School ug Lahug Elementary School alang sa pagbutang sa mga hotline numbers, sa milabay nga adlaw.
Gidasig ang mga estudyante, ginikanan, magtutudlo ug school personnel nga i-save ang mga numero sa ilang cellphone aron dali makontak ang mga awtoridad ug emergency responders kung gikinahanglan.
Kabahin kini sa paningkamot sa Cebu City Government nga mapalambo ang kaluwasan sa mga eskwelahan ug mapanalipdan ang mga estudyante, magtutudlo ug tibuok school community.
I via Renante Socia Lada