Usa ka 8-anyos nga batang lalaki ang namatay samtang nasamdan ang iyang 63-anyos nga apohan human kalit nga midagan ang usa ka Fuso Canter truck sa Balamban Public Market, Barangay Sta. Cruz-Sto. Niño, Balamban, Cebu, alas-4 kagahapon sa hapin, Agosto 26, 2026.
Matud sa kapulisan, gisulayan pa sa 38-anyos nga drayber ang pagpaandar sa truck apan napakyas kini. Mikanaog ang drayber aron susihon ang baterya, apan kalit nga milihok paabante ang sakyanan.
Niadtong higayona, motabok unta sa dalan ang apohan ug apo naxwala damha nga maigo kini sa truck nga nikalit og andar.
Gidala dayon sa ospital ang duha ka biktima, apan gideklarar nga patay na ang bata sa pag-abot. Samtang, ang drayber anaa na sa kustodiya sa kapulisan alang sa tukmang legal nga aksyon.
I via Renante Socia Lada