Magpahigayon og Panel Forum sa Climate Change, tumong niini ang Gender ug Culture nga aspeto sa Cebu City karong Pebrero 20, 2026, alas 9:00 sa buntag, didto sa Cebu City Museum.
Ang kalihokan gi-organisar sa Kagamhanan sa Siyudad sa Sugbo pinaagi sa Cultural and Historical Affairs Commission uban sa Hambin. Tumong sa forum nga masabtan sa publiko unsaon pag-apekto sa climate change sa kinabuhi sa mga tawo, lakip na sa gender roles ug sa kultura sa komunidad.
Hisgutan sa mga eksperto ug tigpasiugda kung giunsa sa mga isyu sa kalikupan pag-usab sa papel sa kababayen-an ug kalalakin-an, kusog sa komunidad, ug pagpanalipod sa lokal nga panulundon ug tradisyon.
Gipasiugda sa City Government ang importansya sa pag-apil sa komunidad aron mapalig-on ang kahibalo ug panaghiusa sa pagsagubang sa mga hagit sa climate change. Tumong usab sa forum nga magpasiugda og inklusibo ug malungtarong mga solusyon.
Giawhag ang mga interesadong moapil nga magparehistro daan tungod kay limitado ang slots ug first come, first served ang pagdawat sa mga partisipante. Giawhag usab ang publiko nga moapil sa maong diskusyon alang sa mas lig-on, inklusibo, ug malungtarong dakbayan.
Source: Cebu City PIO
I via Renante Socia Lada