Nikunhod og 29.96 porsyento ang focus crimes sa Central Visayas, sumala sa datos sa Police Regional Office 7. Gikan sa 1,472 ka insidente, miubos kini sa 1,031 kung ikumparar ang Agosto 26, 2024–Pebrero 15, 2025 ug Agosto 26, 2025–Pebrero 15, 2026.
Pinakadako nga pagkunhod nakita sa carnapping sa mga sakyanan nga miubos og 60 porsyento. Gisundan kini sa pagkunhod sa kaso sa rape og 46.12 porsyento, robbery og 42.11 porsyento, ug murder og 41.88 porsyento. Mikunhod usab ang carnapping sa motorsiklo og 34.88 porsyento, theft og 25 porsyento, ug physical injuries og 17.39 porsyento.
Bisan pa niini, misaka og 10 porsyento ang kaso sa homicide, hinungdan nga padayon nga gipalig-onon sa PRO7 ang ilang operasyon ug mga lakang batok sa krimen sa mga lugar nga adunay pagtaas sa insidente.
Matod sa kapulisan, ang maong kalampusan gihimo sa 5-focused agenda ni Jose Melencio C. Nartatez Jr. (CPNP) sukad siya milingkod isip lider sa Philippine National Police niadtong Agosto 2025. Lakip sa mga estratehiya ang mas lig-on nga police operations, paggamit sa intelligence-led policing, ug aktibong partisipasyon sa komunidad.
Samtang, si PRO7 Regional Director Redrico A. Maranan miingon nga ang pagkunhod sa krimen resulta sa disiplina ug data-base nga operasyon sa kapulisan ug sa lig-on nga panag-uban sa komunidad. Dugang pa niya, padayon nilang palig-onon ang police visibility ug accountability aron mapadayon ang maayong resulta batok sa krimen.
Source: PRO7 PIO
I via Renante Socia Lada