Padayong gisusi karon sa kapulisan sa Mambaling Police Station ang nahitabong pagpusil patay sa usa ka ex-convict.
Ang krimin nahitabo kagahapon sa buntag, Oktobre 4, 2023, didto sa Sitio Proper Alaska, Barangay Mambaling, siyudad sa Sugbo.
Giila ang biktima sa Mambaling Police Station nga mao si Herman Guadrados Panogan, hingkod ang panuigon, residenti rapud sa maong lugar.
Sa inbestigasyon sa kapulisan samtang naglakaw ang biktima paingon mupauli sa iyang gipuy-an gisundan ug gipusil kini nga naigo sa ulo na maoy hinungdan sa iyang kamatayon.
Sa pagkakaron gitinguha sa kapulisan na makakuha ug mga cctv footage sa maong lugar aron maila ang suspetsado ug ang motibo niini.
Ipaubos usab sa background check si Panogan kung wala ba kini gikaaway o kaha gikalambigit nga illegsl nga binuhatan.
(Renante Socia Lada, photo credit to the owner)
