Nagmalampuson ang gihimo nga launching sa Pier 88 sa lungsod Liloan, probinsya sa Sugbo, kagapon, Mayo 27, 2023. Sila si President Ferdinand Marcos Jr.,Vice President Sa Sara Duterte, DOTr Secretary Jaime Bautista, House Speaker Martin Romualdez, DOT Secretary Christina Frasco ug ubang mga opisyalis sa probinsya sa Sugbo.
Ang Pier 88 Smart Port sa lungsod sa Liloan nagtanyag kini og modernong serbisyo para sa mga pasahero sa Visayas. Ang naasoy nga pantalan adunay mga barko nga mo biyahi paingon sa Bohol, Isla sa Camotes, Ormoc, Leyte, dakbayan sa Lapu-Lapu, Siyudad sa Sugbo ug uban pang mga lugar.
Ang maong proyekto nag ground-breaking niadtong tuig 2019 ug nahuman karon nga tuig 2023. Tinguha sa Pangulo ug mga opisyalis nga mahatagan og dekalidad nga serbisyo ang katawhan. Mas dali na unya ang pagbiya sa mga tawo paingon sa mga nagkadaiyang lugar ug mas dali na usab maabot ang mga produkto na itumod sa ubang lugar.
Aduna kini biyahi matag adlaw sa mga lugar nga rota sa mga barko aron mas kumportabli ang kadaghan na muoli ug mubalik sa ilang tagsa-tagsa ka mga lugar.
Gikalipay kini pag ayo sa mga lungsuranon ug sa mga biyahidor kay duol na ang pantalan og dili ma hasol sa trapik. (Renante Lada, photo credits to the owner)