Wala ka ipsot ang duha ka mga lalaki atol sa gipahigayon nga buy-bust operation sa Philippine Drug Enforcement Agency-Region 7, Lapu-Lapu City Police Office, sa Sitio Lower Matumbo, Barangay Pusok, Lapu-Lapu City.
Ang mga suspetsado nga nadakpan giila nga sila si Jesson, 30 anyos, ug Brigido, 20 anyos. Apan, wala madakpi ang usa pa ka kauban nilang si Rasheed, 20 anyos usab.
Sa maong operasyon, narekober gikan sa mga dinakpan ang usa ka kilo sa gituohang shabu nga gibana-bana nga nagkantidad og P6.8 milyon base sa standard drug price.
Sumala sa mga otoridad, padayon ang imbistigasyon aron masuta ang gigikanan sa iligal nga drogas ug ang posibleng kalambigitan niini sa mas dagkong grupo.
Ang duha ka suspetsado mag atubang og kasong kalapasan sa Republic Act 9165 o Comprehensive Dangerous Drugs Act of 2002.
Matod sa PDEA-7 nga magpadayon sila sa agresibong kampanya batok sa iligal nga drogas aron masiguro ang kaluwasan ug kaayuhan sa publiko. (Renante Socia Lada)