Ugdaw ang duha ka mga balay didto sa Purok Boli, Barangay Minaog Dipolog City human kining gikaon dakung kalayo sa may alas 11:30 sa kagabhion December 25, 2024.
Saysay pa ni SFO1 Jade Nesnia, Fire Arson Investigator sa Dipolog City Fire Station nga nagsugod ang sunog gikan sa panimalay ni Ronie Pares, ug mikuyanap kini sa panimalay sa mag-tiayon nga si Tesie Baldonado ug Rufo Baldonado nga miabot sa ikaduhang alarma.
Hangtud karon padayon pa ang makuting imbestigasyon sa BFP Dipolog ang nahisgutang sunog, aron mahibaw-an kun asa gagumikan ang sunog.
Kahibaloan walay natalang Casualties apan miresulta kini ug damyos gibanabana anaa sa 200,000.00.
Sa samang bahin gitubag usab ni SFO1 Nesnia ang mitumaw nga alegasyon nga matud pa, dugay naka responde ang BFP, ug gipasabot niini nga naningkamot usab sila aron makabot ug dali sa sunog, tungod kay dili lalim ang masunogan.
Gipahimangnoan usab sa ahensya ang tanang mga katawhan ilabina sa pagsaulog sa bag-ong tuig, nga dili magkumpyansa bisan pa man kusug ang ulan, ug sigurohon kanunay ang kaluwasan. (Angelica T. Obina)