Sa walay hunong nga kampanya sa Police Regional Office (PRO-7) sa tanang matang sa kriminalidad ug ginadiling drugas, nakasakmit na usab sila ug mga binultong shabu.
Sa usa ka semana nila nga operasyon nikabat ngadto sa 7,558.88 gramos sa gituhuang shabu ang ilang nasakmit na adunay standard drug value nga P51,400,384.00 ug pagkasikop sa 208 ka mga durugista, sugod niadtong Hunyo 2, hangtod Hunyo 9, 2024.
Nikabat usab sa 287 ka mga suspetsado sa ilegal nga sugal na adunay P27,689.00 nga kwarta ang ilang na kompiska.
Samtang sa ilegal usab na armas niabot ngadto sa 120 na adunay 33 ka mga suspetsado ang ilang naposasan tungod sa pagkupot sa dili lisensyadong mga armas de fuego.
9 usab ka mga most wanted ang nadakpan ug 152 ka mga ordinaryong wanted persons ang nalutsan og warrant of arrest sa korte.
Si PBGen. Anthony Aberin, PRO7, Regional Director, nidayag sa iyang mga sakop sa kanunay na pagpatuman sa balaod, diin sa kinatibuk-an niabot sa 689 ang ilang nadakpan na pulos malapason sa balaod.
“It is the job of your PRO 7 to prevent and control the commission of crimes and to achieve this, one of our most effective strategies is the conduct of relentless police operations and anti-criminality interventions. Thus, expect us to continue to be aggressive and relentless against criminals but very friendly and well-coordinated with the peace loving citizens of Central Visayas”, segon ni PBGen. Aberin. (Renante Socia Lada)