Lain na usab nga kalampusan ang nahipos sa Police Regional Office (PRO-7) diin nikabat sa P5.1 million nga balor sa shabu ug 4 ka mga suspetsado ang ilang nasikop sulod sa adlaw.
Ato lang kining adlaw nga Biyernes, Abril 19, 2024, na niabot sa 762 gramos sa illegal nga drugas ang ilang nasakmit.
Gitataw ni PBGen Anthony Aberin, PRO-7 Regional Director, nga ang pagkasakmit sa mga ginadiling drugas resulta sa makuti nga plano ug intelligence -driven operations pipila ka semana ang nakalabay sa wala pa gilusad ang mga operations.
Ang mga dinakpan nagagikan sa managlahing lugar sa Central Visayas nga nagpayuhot sa mga ginadiling drugas.
“The arrest and seizure is a proactive law enforcement strategy to deny the proliferation of illegal drugs in Central Visayas through the conduct of an aggressive and relentless anti-drug campaign in accord with the law, rules, and regulations,” mayod ni PBGen Aberin.
Sa pagkakaron giandam na ang tukmang kaso batok sa mga suspetsado. (Renante Lada)
(Source: PRO-7)
