Nagmalampuson ang gihimo nga buy-bust operation sa mga sakop sa City Intelligence Unit ug Drug Enforcement Unit sa Lapu-Lapu City Police Office batok sa usa ka Call Center Agent nga nagpayuhot og ginadiling drugas.
Didto kini gipahigayon sa Bag-ong Terminal, Sa Barangay Pajo,Siyudad sa Lapu-Lapu, Lunes sa gabii,Pasado alas 8:00, Enero 2, 2022.
Ang suspetsado nga nasikop giila nga mao si Francis Balendes, 35 anyos ang panuigon, High Value Individual (HVI), residenti sa Capitol Site, Dakbayan sa Sugbo.
Mga binultong shabu ang nakuha sa position sa suspetsado nga motimbang ngadto sa 525 grams ug adunay street value nga P3.5 Milyon.
Sa imbestigasyon nasayran nga si Balendes makabaligya og 50 ngadto 100 grams sa gituhuang sa shabu sa dakbayan sa Sugbo ug Lapu-Lapu. Gisuta pa karon sa kapulisan kung si kinsa ang tig supply og ginadiling drugas sa dinakpan.
Giandam na usab ang tukmang kaso batok sa dinakpan nga tigpayuhot og ginadiling drugas. (Renante Lada, photo courtesy of Lapu-Lapu City Mayor Junard Ahong Chan Facebook page)
