Nagmalampuson ang usa ka joint buy-bust operation tali sa mga sakop sa Cebu Police Provincial Office (CPPO) ug Philippine Drug Enforcement Agency (PDEA-7) batok sa usa ka habal-habal driver.
Pasado alas 12:00 ang takna sa tungang gabii, Enero 27,2023, didto sa Sityo Bagacay, Barangay Tayud, Lungsod sa Consolacion, Probinsya sa Sugbo.
Giila ang suspetsado nga si Lunisoto Labitad, 48 anyos ang panuigon, residenti sa Barangay Pardo, Siyudad sa Sugbo.
Mga binultong shabu ang nakuha sa position sa suspetsado nga adunay street value na P13.6 milyon.
Si CPPO Provincial Director Police Rommel Ochave nibutyag nga ang dinakpan nalakip sa top 10 PDEA-7 target diin maka dispose kini og dili muminos 5 ka kilo sa shabu matag semana .
Dugang sa Director nga aduna silay “drug matrix” karon nga gisubay aron pagpuhag sa dakong grupo nga nag operate og illegal nga negosyo sa ginadiling drugas.
Sa pagkakaron padayong gisuta ang mga kaubanan ni Labitad sa negosyo sa ginadiling drugas. (Renante Lada, photo courtesy by Raffy Goc-ong)