Nasikop sa gihimong buy-bust operation sa Mabolo Police Station 4 ang usa ka 39-anyos nga lalaki nga nailhan sa alyas nga “Yoyo,” kinsa giilang high-value target sa drug watchlist sa lokal nga kapulisan.
Ang operasyon gipangulohan ni PMAJ Romeo Durano Caacoy Jr. ug nahitabo niadtong Abril 22, 2025 sa Sitio Upper Carreta, Barangay Carreta, Cebu City.
Base sa imbestigasyon, nadakpan si alyas Yoyo samtang gidalhan og buy-bust money ug nakuhaan sa 200 gramos sa gituohang shabu nga nagkantidad og kapin sa PHP1,360,000. Nasakmit usab ang usa ka belt bag isip ebidensya.
Ang suspetsado nag-atubang karon sa kasong pagpamaligya og ilegal nga drugas ilawom sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Gidayeg ni CCPO Acting City Director PCOL Enrico Evangelista Figueroa ang tanang sakop sa operasyon ug mipasalig nga padayon ang kampanya sa kapulisan batok sa ilegal nga drogas ug uban pang krimen sa dakbayan.
Source: CCPO
I via Renante Socia Lada
#rpndykccebu
#675hzamband