Cebu City – Gipadayag pinaagi sa social media ang reklamo sa organizer sa Ceboom Rally, alang ni Vice-President Lenie Robredo kinsa kandidato sa pagka presidente sa Mayo 2022 election nga gibalibaran kini sa ilang gipangayo nga special permits sa ilang volunteer vehicles.
Sa Facebook page sa PINK CEBU ug sa Cebu BPO for Leni & Kiko ilang gipahibaw ang ilang sentimento.
“Due to REFUSAL of LTFRB 7 to issue special permits for our VOLUNTEER vehicles we may have long lines in our designated pick-up points,” mensahi sa PINK CEBU.
Gipahigayon ang Ceboom rally, Hwebes, Abril 21, 2022, sa syudad sa Mandaue.
“We are asking for your extended patience and understanding. Please bear with us”, hangyo sa organizer.
Gipasalig hinoon sa grupo nga dili sila mohunong nga mahatud ang mosalmot sa kalihukan.
“We do not stop trying to bring everyone to the rally later today,” pasalig sa grupo.
Samtang ang Lapu-Lapu group transport service initiative sa maong rally, gipahibaw ni Atty Ferdinand Dungog ang sitwasyon.
“Wala ra man tingali problema sa Udotco kay wala may ni report sa ni coordinate nga wala sila kalusot,” pahibaw ni Atty Dungog.
Isip tubag, ang Land Transportation Franchising and Regulatory Board (LTFRB) mipahibaw nga mihatag silag special permits sa mga sakyanan nga nga mohatud-kuha sa Cebu Rally karong adlawa, Hwebes, Abril 21, sa Ceboom Rally sa dakbayan sa Mandaue gawas lang sa 18 ka mga units sa Persano Corp.
Ang 18 ka units ubos kini sa service contracting sa LTFRB-7 alang sa Libreng Sakay sa Metro Cebu program.
Matod ni Regional Director Eduardo Montealto nga ang operator misuway ug kuha ug special permit ubos sa “freedom of expression”.
Gipasabot sa LTFRB-7 nga tungod kay nakabayad na sila (LTFRB) sa ilang service contracting, dili na kini tugtan nga maka biya sa ilang specified nga mga rota.
Giklaro ni Montealto nga ang denial sa special permit igo lang sa pagsunod sa ilang padayon nga service contract ug dili kini pag jeopardize sa rally karong adlawa.
Unang gibisita sa grupo ni Robredo pagka buntag ang syudad sa Bogo ug gihapit ang dakbayan sa Danao, sa wala pa sila moadto sa Mandaue. (Jhon Tadlip)
(Source: LTFRB 7 | PINK CEBU, photo courtesy by Ricky Ballesteros)
Tags: Ceboom Rally, refusal, special permits, LTFRB 7