Nagpadayon ang pagpalig-on sa kaluwasan sa komunidad pinaagi sa Oplan Pakigsandurot nga gihimo sa Cebu City Police Office kagahapon Marso 20, 2026 sa Barangay Sawang Calero Gymnasium sa Cebu City.
Ang kalihokan gipangulohan ni konsehal Paul G. Labra II, sa siyudad ug chairman sa Peace and Order, uban sa koordinasyon sa CCDRRMO, CCPO SWAT, ug RECU7. Ang training nagtutok sa first aid, hustong paggamit sa posas, kahibalo batok sa bomb threat, ug basic nga pagkuha og impormasyon.
Mitambong sa maong kalihokan ang mga pulis ug mga miyembro sa barangay. Sa iyang mensahe, gi-awhag ni PCOL. George V. Ylanan ang tanang barangay ilalom sa Carbon Police Station 5 nga aktibong moapil ug mosuporta sa programa aron mapadayon ang kalinaw ug kahapsay sa komunidad.
Apil sa ning-apil ang mga opisyal ug BPSO gikan sa Barangay Pahina Central, Kalubihan, ug Ermita, nga nagpakita sa lig-on nga panaghiusa sa komunidad ug kapulisan.
Gipasiugda sa CCPO nga importante ang kooperasyon, husto nga pagbansay, ug aktibong partisipasyon sa komunidad aron masiguro ang kaluwasan sa tanang residente.
Source: CCPO
I via Renante Socia Lada