Patay ang usa ka opisyal sa Criminal Investigation and Detection Group (CIDG) Region 7 samtang naangol ang iyang kauban human sila gi-ambush sa ilang gi-monitor nga target sa Sitio Balaw, Barangay Sudlon 2, , Oktubre 25, 2025.
Ang napatay giila nga si Police Captain Joel Deiparine, samtang ang iyang kauban nga si Police Executive Master Sergeant Artchel Tero giingong kritikal ang kahimtang ug nalandig dayon sa tambalanan.
Base sa imbestigasyon, nagsunod ang duha sa Toyota Hilux pickup nga gisakyan sa ilang subject ubos sa operasyon sa OPLAN “Paglalansag Omega,” nga adunay warrant of arrest tungod sa kasong murder.
Apan kalit silang gibabagan ug gipangpusil sa tulo ka armado nga suspek, diin usa kanila ang nigamit og armalite rifle.
Padayon karon ang hot pursuit operation batok sa grupo nga giila nga sila alyas Jun, alyas Nante, ug usa pa ka wala pa mailhing suspek samtang ang kapulisan nagpatuman og checkpoint aron mapugngan ang ilang pag-ikyas.
I via Renante Socia Lada