Gisugdan na ang pagpang-opera sa Operation Smile Philippines-Cebu Center of Excellence didto sa Cebu City Medical Center (CCMC).
Sa pipila ka adlaw na nga operasyon daghan ang nagpahimulos niini nga mga kabataan aron maayo ang ilang deperensya sa baba.
Nasayran nga gibisita ni Mayor Raymond Alvin Garcia ang makasaysayanong panghitabo, nga gitambongan sab sa pilantropo nga si Mariquita Salimbangon-Yeung, kansang MSY Charitable Foundation maoy katambayayong sa Operation Smile dinhi sa nasud.
Si Mayor Garcia nakighimamat sa mga bata ug mga ginikanan human sa maong operasyon na puno sa kalipay ug kamaya niyang nakita ang dakong kausaban.
“Sangko sa langit ang akong kalipay karon kay pila ni ka adlaw, semana, buwan, ang pagpreparar nato para mahuman lang gyud ning facility, ang Operations Smile. Ug ang bunga sa atong paningkamot nakita nato sa mga bata nga atong makit-an karon,” segon ni Mayor Garcia.
“Their lives will be changed forever. Mao bitaw ni gi-Operation Smile kay mo-smile na gyud sila nga wa na silay kahadlok, wa na silay kauwaw, kay tungod nindot na gyud kaayo ang ilang facial expression when they do smile,” dugang niya.
Matod sa Cebu City PIO nga ang maong libring operasyon gipahimuslan sa mga Sugbuanaon, awhag sa tagdumala nga mudawat gihapon sila bisan sa taga laing lugar.
“Dako ni kaayong tabang nato. Hulog nang langit para sa CCMC. And we are so proud and we are so happy nga sa tanang lugar ang Operations Smile nipili gyud sa CCMC to have the facility like this,” ingon ni Mayor Garcia.
“Sa atong Siyudad sa Sugbo, it (maayong panglawas) will be a priority, it will remain a priority. I will make sure, like how we made sure nga naa niy (Operation Smile) target date nga mahuman, nga on a target we will also make sure nga ang CCMC naa sad gyud, naay target date, ug naa tay milestones ma-achieve…sa atong Cebu City Medical Center,” gitataw sa mayor.
Source: Cebu City PIO
I via Renante Socia Lada
#rpndykccebu
#675hzamband
#mrpublicservice