Palig-onon sa Traffic Management Coordination Committee (TMC) ang kampanya batok sa mga motorsiklo nga adunay ilegal nga gi-usab o gi-modify nga muffler tungod sa nagkadaghang reklamo sa mga residente sa Cebu City.
Gimanduan sa TMC ang Cebu City Transportation Office (CCTO) nga hugtan ang pagdakop sa mga motor nga kusog kaayo og tingog ug lapas sa gitugot nga lebel sa kasaba.
Makigtinabangay usab sila sa LTO-7 aron mas husto ang pagpatuman sa balaod. Matud pa sa TMC, daghan nang reklamo bahin sa mga motor nga adunay “Bora-Bora” muffler nga makasamok sa mga nagpuyo sa komunidad.
Ubos sa balaod sa dakbayan, bawal ang mga sakyanan nga sobra ka saba. Ang mga molapas sa gitugot nga 84 decibels nga kasaba mahimong dakpon ug silotan.
Kanunay usab nga maghimo og operasyon ang CCTO aron mapakunhod ang kasaba sa mga dalan ug mas komportable ang pagpuyo sa mga taga-Cebu City.
I via Renante Socia Lada