Niabot gyud sa 70 ka ektarya ang gilapdon sa nahitabong grassfire didto sa lungsod sa Oslob.
Ang sunog sa kasagbutan nagsugod pasado alas 5:00 atong Sabado sa hapon Abril 6, 2024 ug na fire out kini pagka kadlawon sa Abril 7, 2024.
Segon sa Oslob Municipal Disaster Risk Reduction and Management Office (MDRRMO) nga niabot sa 4 ka mga barangay ang naigo sa maong grassfire.
Ang mga sakop sa MDRRMO sa maong lungsod, BFP ug mga volunteers nagtinabangay aron pagpalong sa maong sunog.
Hinuon bisan sa kalapad sa maong sunog sa kasagbutan walay natala ang kabomberohan nga balay na naapil sa pagkasunog.
Nagpahinomdum usab ang MDRRMO nga magpabiling alerto ug magbinantayon sa tanang panahon labi na karong panahuna taas kaayo ang kainiton sa panahon. (Renante Lada)
