Gipangulohan ni Marven C. Gorgonio, Pro Bono Consultant sa Gobernadora alang sa Kabatan-onan, ang pag-welcome sa 120 ka delegates gikan sa 21 ka nasud sa Asia Pacific Youth Leaders Summit 2025 niadtong Biyernes, Nobyembre 7, 2025, sa Solea Mactan Resort, Cordova, Cebu, sa ngalan ni Gov. Pamela Baricuatro.
Ang upat-ka-adlaw nga international summit nga gi-organisar sa AIESEC nagtipon sa mga batan-ong lider gikan sa tibuok rehiyon aron magpaambit og ideya, lig-onon ang cross-cultural collaboration, ug hisgutan ang solusyon sa mga global ug local nga hagit. Opisyal kini nga gisugdan niadtong Nobyembre 5, 2025.
Gipresentar ni Gorgonio ang 8-Point Youth Development Agenda sa Gobernadora, nga roadmap para sa pagpalig-on sa kabatan-onang Cebuano pinaagi sa ABTIK Cebuano movement—Active, Brilliant, Transformative, ug Innovative Kabatan-onang Cebuano.
Nagpahigayon usab siya og moment of silence ug pag-ampo alang sa kapin sa usa ka gatus ka kinabuhi nga nawala tungod sa Bagyong Tino, samtang gi-reinforce ang tawag ni Gob. Baricuatro sa accountability sa disaster preparedness ug public governance.
Gipunting ni Gorgonio nga kung ang pondo alang sa flood control ug disaster response gamiton sa personal nga interes imbis sa proteksyon sa publiko, kini magresulta sa kamatayon sa mga tawo—kinabuhi nga angay hatagan og hustisya.
Source: Cebu Province PIO
I via Renante Socia Lada