Nagpabiling lig-on ug walay pagka-disrupt ang serbisyo sa transmission sa kuryente sa probinsya sa Cebu bisan pa sa linog nga may kusog nga magnitude 5.4 nga natala alas 3:22 sa hapon, Abril 6, 2026.
Sumala sa PHIVOLCS, ang linog nahitabo 17 kilometro sa habagatan-sidlakan sa dakbayan sa Bogo.
Gipadayag sa NGCP nga nagpabiling intact ang power grid sa tibuok Cebu ug wala’y natalang power interruption o kadaot sa ilang transmission facilities sa probinsya ug sa mga silingang lugar nga nabatyagan ang linog.
Padayon usab ang monitoring sa NGCP aron maseguro ang kaluwasan ug kasaligan nga suplay sa kuryente sa rehiyon human sa maong insidente.
Source: NGCP
I via Renante Socia Lada