Walay naitalang maritime casualty ang Philippine Coast Guard pinaagi sa Coast Guard Station (CGS) Zamboanga del Norte atol sa kasaulugan sa Semana Santa 2026 sulod sa ilang area of responsibility.
Sumala sa CGS, ang kalampusan resulta sa higpit nga implementasyon sa “Oplan Biyaheng Ayos: Semana Santa ug Summer Vacation 2026,” diin gipakusgan ang coastal ug seaborne patrols, lakip ang Baywatch operations sa mga pantalan, baybayon, ug mga tourist destinations sa probinsya.
Gipahimutang usab ang Passenger Assistance Desks ug Malasakit Help Desks aron motabang sa mga pasahero ug turista samtang nagpadayon ang dagsang biyahero atol sa holiday.
Gipasabot sa Philippine Coast Guard nga ang zero casualty nga rekord nagpakita sa epektibong koordinasyon tali sa coast guard, lokal nga kagamhanan, partner agencies, ug sa kooperasyon sa publiko sa pagsunod sa maritime safety regulations.
Samtang, padayon ang ahensya sa pagmintinar sa kahimtang sa alerto aron masiguro ang kaluwasan sa mga pasahero, barko, ug komunidad sa baybayon.(IKEN B. GULLEM)
Source: CGS Zamboanga del Norte