Nakabsan sa kinabuhi ang usa ka lalaki na nangabit human gidunggab sa bana.
Didto kini nahitabo sa Sitio San Roque, Barangay Lorega, siyudad sa Sugbo, kagahapon sa kadlawon, Enero 4, 2024.
Ang biktima na namatay mao si Raymart Ricardo Baril, 30 anyos ang panuigon, may kaipon, taga Barangay Day-as, siyudad sa Sugbo.
Naangol usab ang gikadulog niini nga mao si Bethy Bolaño Uy, 31 anyos ang pangidaron, nagpuyo sa naasoy na lugar.
Ang suspetsado mao si Emebert Cruz Uy, alyas Em-Em, 34 anyos, taga didto rapud sa maong dapit.
Sa inbestigasyon na gihimo sa Pari-an Police Station sa Cebu City Police Office nasayran na samtang nangatulog ang mga biktima naabot ang suspetsado na bana ug sa way daghang storya gipangdunggab sila na maoy hinungdan sa kamatayon ni Baril.
Hinuon human sa pipila ka oras na follow-up operation nasikop sa kapulisan ang suspetsado. (Renante Lada, photo courtesy of Pari-an Police Station)