Giila sa DOST-PHIVOLCS Quick Response Team ang linya sa fault nga mao’y hinungdan sa kusog nga linog nga magnitude 6.9 nga miigo sa Northern Cebu niadtong Septembre 30, 2025. Gitawag kini nga “Bogo Bay Fault.”
Ang onland extension sa maong fault nakita sa Sitio Looc, Barangay Nailon sa Bogo City. Nakaplagan usab ang mga ebidensya sama sa mga open cracks, mga mound sa yuta tungod sa pressure, ug fault scarps sulod sa deformation zone nga mga 2 metros ang gilapdon.
Sa pagsugod sa pagsusi, mga 200 metros lang ang nakitang ground rupture. Apan pinaagi sa drone survey, na-imahen ang mga porma sa yuta nga abot sa 1.5 kilometros, nga nagpakita nga usa kini ka right-lateral fault. Padayon pa ang field verification aron masuta ang tibuok gitas-on ug epekto niini.
Giawhag ang publiko nga magpabilin nga andam sa kusog nga aftershocks ug kuhaon lang ang impormasyon gikan sa mga opisyal nga ahensya ug tinuod nga tinubdan.
Source: DOST-PHIVOLCS
I via Renante Socia Lada