Niabot na karong Biyernes, Oktubre 3, ang mga modular tents gikan sa Department of Social Welfare and Development (DSWD) nga gamiton isip temporaryong kapuy-anan sa mga pamilya nga nawadan og balay human sa kusog nga 6.9 magnitude nga linog nga miigo sa Northern Cebu.
Makita ang pagtinabangay sa mga residente ug volunteers sa pagpang-set up sa mga tent aron dali magamit sa mga pamilya nga nagkinahanglan og masilongan.
Daghang tawo ang nagpili nga dili pa mobalik sa ilang mga balay tungod sa padayon nga aftershocks, samtang ang uban napugos gyud nga mubakwit tungod sa grabe nga kadaot sa ilang panimalay.
Ang mga tent naghatag og kasigurohan nga adunay luwas ug limpyo nga masilungan samtang hinay-hinay nga mibarog pag-usab ang mga apektadong komunidad.
Kini nga inisyatiba mao’y pagtuman sa direktiba sa Pangulo ug sa pasalig ni DSWD Secretary Rex Gatchalian nga walay pamilya nga biyaan ug matag-usa adunay masilongan sa panahon sa trahedya.
Source: DSWD
I via Renante Socia Lada