Usa ka aksidente sa trapiko ang nahitabo sa N. Bacalso Avenue, Barangay Lawaan 3, diin duha ka propsmen sa Carcar Contingent ang naapektuhan human matagak sa trak nga nagkarga og mga props.
Sumala sa impormasyon, nasangit ang mga props sa nagbitay nga kable nga mitabok sa dalan, hinungdan nga nahulog ang duha ka mga biktima. Kritikal ang kahimtangan sa usa, samtang luwas ug stable ang laing usa.
Ang usa sa mga biktima naangkon og kadaut sa ulo, samtang ang laing usa nabalian og parte sa lawas. Giingon nga pauli na unta ang trak sa dihang nahitabo ang maong insidente.
Padayon pa ang imbestigasyon sa mga otoridad aron masuta ang tinuod nga hinungdan sa aksidente ug aron malikayan nga mausab ang susamang panghitabo. Gitanggong usab ang driver nga nagmaniho sa maong sakyanan.
Source: CCTDA
I via Renante Socia Lada