Pwerting malasa niining usa ka lalaki, human nga nadisgrasya ug naka angkon og bun-og sa kalawas dihang natumba ang gisakyan niini nga motorsiklo, nadakpan pa gyud tungod kay ang gituohang shabu nga gituohan usab nga iyaha, ang nagpasad sa karsada, nahitabo kini kagahapon pasado alas 11 sa buntag, Septiyembre 18, 2024 sa dakbayan sa Naga, Sugbo.
Ang nadakpan nailhan sa ngalan nga Jessie Sabellano, kinsa daling gidapatan ug tambal sa mga ni respondi kaniya, pagkahuman gisikop gilayon kini dihang ang mga polis nga miresponde sa aksidente nakakita sa pipila ka mga pakete sa gituohang shabu nga nagkatag karsada duol kaniya diin nagbuy-od usab sa karsada.
Nakuha sa kapolisan ang 2 ka medium size nga plastic pack ug 54 ka sachet sa gituohang shabu.
Si Sabellano kasamtangang nagpaalim sa iyang mga pangos sulod sa selda sa Naga City Police Station samtang nagpaabot sa tukmang kaso alang kaniya.
I via TJP ug Renante Socia Lada
RPN DYKC RADIO CEBU