Cebu City – Nagka daghan na ang na biktima sa romance scams sa Central Visayas.
Kini maoy gibutyag sa National Bureau of Investigation Central Visayas.
Atol sa open line forum nga gi organized sa MyTV ug mga partners, Martes, Septembre 27, 2022, matod ni Maria Contessa “Coco” Lastimosa, special investigator sa NBI 7 nga naka bantay kini sa nagsaka nga reports sa mga tawo nga na nabiktima sa daghang scams, partikular na ang romance scams.
Sa buwan sa Septembre lang, lima ka romance scams ang na report sa NBI, ug matod pa nga upat ang natala sa Agosto.
Gitug-an ni Lastimosa nga sagad sa mga modus sa mga scammers magpatoo nga US military serviceman, kinsa mo establish ug relasyon pinaagi sa online ug magpatoo nga makigkita sa personal.
Suma pa ni Lastimosa nga moabot sa ponto nga mangayo ang scammer ug kwarta ngadto sa biktima aron pang palit ug ticket apan dili kini motonga sa ilang sabot nga panagkita.
Nagkanayon ang opisyal nga dunay laing modus ang scammer nga magpatoo nga magpadala kini ug package.
Dugang niini nga mopahibaw dayon ang scammer ngadto sa biktima nga na intercept ang package sa Bureau of Customs tungod kay matod pa, duna kini sud nga mga diamonds, ug dakong kantidad sa kwarta.
Nianang higayona, suma pa ni Lastimosa, mangayo dayon ug kwarta ang scammer aron ma release ang package.
Huma nga mopadala ug makuha na sa scammer ang kwarta, wa gyuy package nga moabot.
l via Jhon Tadlip
Source/Photo: National Bureau of Investigation Central Visayas