Nakabsan sa kinabuhi didto sa na Cebu South Medical Center ang drayber sa usa ka motorsiklo human kini mabanggaan sa usa ka V-hire niadtong miaging kagabii sa Sitio Tangob, Barangay Lagtang, Talisay City.
Sumala sa report sa kapulisan, nahitabo ang aksidente mga alas 9:56 sa gabii samtang nagkasugat ang duha ka sakyanan sa maong dalan. Ang V-hire padulong sa Tabunok, samtang ang motorsiklo paingon sa Kampo 6.
Sa inisyal nga imbestigasyon, giingon nga mi-overtake ang drayber sa motorsiklo sa usa ka tricycle ug didto na niya nakasugat ang V-hire. Tungod sa kusog nga panagbangga grabeng nadaot ang motorsiklo ug nalupyak usab ang atubangan nga bahin sa van.
Padayon pa ang imbestigasyon sa kapulisan aron matino ang tanang detalye sa insidente, ug awhag usab sa mga otoridad nga dili magpalabi sa pagpakusog sa ilang sakyanan.
Source: CT-TODA
I via Renante Socia Lada