Nikalas og duha ka kinabuhi ang panagbangga sa motorsiklo ug prime mover truck kaganihang kadlawon pasado 1:00, Mayo 24, 2024, didto sa Nasudnong Dan, sa Barangay Poblacion, Lungsod sa Liloan, Sugbo.
Ang mga biktima nga nakalas giila sa Liloan Police Station nga mao sila si Mico Manjac, drayber, 35 anyos ang panuigon, residenti sa Barangay Opao, siyudad sa Mandaue ug Rapunzel Gadje, angkas, 25 anyos taga Barangay Bangakal, dakbayan sa Lapu-Lapu.
Naila usab ang drayber sa mover truck nga mao si Edwin Soco Francisco, 39 anyos ang pangidaron, taga Barangay Alang-Alang, dakbayan sa Mandaue.
Sa imbestigasyon sa Liloan Police Station nasayran nga ang duha ka mga sakyanan nagbiyahi sa managlahi nga direksiyon diin sa maong lugar ug oras gituhuang ni kawat sa pikas linya ang mga sakay sa motorsiklo na maoy hinungdan nga nagka dasmag kini.
Sa kakusog sa dagan pulos nakalas ang mga sakay sa motorsiklo nga niabot sa tambalanan.
Sa pagkakaron ang suspetsado nga drayber padayong gitanggong sa Liloan Police Station samtang gihuwat ang habig sa duha ka partido. (Renante Socia Lada)
(Source: Liloan Police Station)