Aprobado na ang budget nga P9 milyones para sa 911 system lakip na niini ang mga kagamitan ug imprastraktura ug ang kagamhanan sa Siyudad mubayad og dul-an tag P3 milyon nga monthly fee para sa maong system.
Nasayran nga si Cebu City Acting Mayor Raymond Alvin Garcia nag issue na og Notice to Proceed to Next Generation Advanced (NGA 911) para pag establisar sa maong systema.
“I would like to congratulate MICS, headed by Dax, for spearheading this initiative. We also acknowledge Mayor Mike, since this was started sa iyang panahon,” segon ni Acting Mayor Garcia.
Ang Cebu City Disaster Risk Reduction and Management Office (CCDRRMO) mao inya ang mag padagan niini.
Gilauman nga ang maong systema magamit karong buwan sa Hulyo 2024 atol sa Palarong Pambansa na ang siyudad sa Sugbo maoy mag Host niini.
Kung mahuman na ang maong proyekto sa kagamhanan sa siyudad mas dali na unya ang pag tultol ug pagtubag sa bisan unsa nga emerhensya nga mutumaw sa dakbayan sa Sugbo. (Renante Socia Lada)
(Source: Cebu City PIO)