Usa ka manekyurista ang nakalas ug naangol ang 16-anyos nga lalaking backrider sa dihang ilang gisakyang motor nabangga sa truck sa LGU didto sa Purok Timbangan, Brgy. Guinacot, siyudad sa Danao, sa nakakabay na adlaw.
Segon ni P/S Sergeant Arzie Hill Biatingo investigator sa Danao City Police, ang namatay mao si Minerva Giangan, 37-anyos, taga Purok Santan, Lower Brgy. Quisol, Danao City.
Samtang ang back rider naila nga si Niño Jay Adlawan, 16-anyos, estudyante kinsa gidala sa VSMMC gumikan sa grabe nga angol niini.
Nasayran nga ang LGU truck nga gimaneho ni Teodoro Benitez Capuyan, 64-anyos nga taga Dunggoan, Danao City, nawad-an kinig kontrol ug miigo sa maong motorsiklo.
Natangong nga sa karsel sa kapulisan ang maong drayber sa LGU trak samtang padayon pa ana imbestigasyon sa kapulisan. (Renante Lada & Eli Tahanlangit Espina)