Nikutlo og usa ka kinabuhi ang nahitabong disgrasya tali sa dump truck ug pick up.
Didto kini nahitabo sa National Highway, Sitio Kampatok, barangay Dalid, lungsod sa Tabuelan, Sugbo, pasado alas 11:00 sa buntag, Hulyo 26, 2024.
Ang nakalas giila sa Tabuelan Police Station na mao si Vincent Mangabon Pontillas, 52 anyos, kanhi kapitan sa Barangay II, lungsod sa Tuburan.
Ang naangol nga nagmaniho sa maong pick up mao si Michael Guipo Pontillas, 25 anyos, nagpuyo rapud sa barangay II, sa maong lungsod.
Naila usab ang nagmaniho sa dump truck nga mao si Richard Dacua Matugas, 27 anyos, taga barangay Marmol, lungsod sa Tuburan, Sugbo.
Sa imbestigasyon nasayran nga pag abot sa naasoy nga lugar nagkadasmag ang duha ka mga sakyanan nga niresulta sa kamatayon ug pagkamatay sa biktima.
Sa pagkakaron nagpadayon ang imbestigasyon sa kapulisan ug kasamtangang gitanggong ang suspetsado nga driver. (Renante Lada & Ting Joe Pepito)