Cebu: Miyembro sa Gun For Hire nakuhaan og dul-an sa P8 Milyon nga shabu

0
4
Pakete ng shabu

Nagmalampuson ang gihimo nga buy-bust operation sa mga sakop sa Philippine Drug Enforcement Agency (PDEA-7) ug Cebu City Police Office batok sa usa ka durugista.

Pasado alas 10:00 kagabii, Hulyo 19, 2023 didto sa Barangay Sawang Calero, siyudad sa Sugbo.

Ang suspetsado giila sa kapulisan ug PDEA -7 nga mao si Jake Merson Mercado AKA “Kano”, 33 anyos ang panuigon, taga dakbayan sa Sugbo.

Nakuha sa iyang position ang mga binultong shabu nga adunay timbang nga 1.11 kilo og street value nga dul-an sa P8 milyon.

Segon sa kapulisan sa CCPO nga taud- taud na nilang gipanid-an ang suspetsado sa illegal niini nga negosyo sa shabu.

Dugang sa kapulisan nga si Mercado miyembro usab sa gun for hire nga nalambigit sa pagpamusil niadtong nakalabay na adlaw.

Sa pagkakaron giandam na ang tukmang kaso batok sa suspetsado ug ila usab sutaon ang supplier sa dinakpan nga matod pa naa sa prisuhan didto sa Leyte ug Cebu City Jail.

(Renante Lada, photo courtesy of Cebu City Police Office)

Leave a Reply