Usa ka pagpamusil ang nahitabo sulod sa Tambayan sa Brgy. Pitogo, Consolacion, Cebu
kaganihang alas 2:45 sa kaadlawon, Oktubre 30, 2024
Ang biktima giila nga si Manuel Peraan Comoro Jr., 30 anyos, ulitawo, residente sa Pajo Cansaga, Consolacion.
Samtang ang suspek giila usab nga si Ricky Gutib, legal nga panuigon, taga Purok 1, Brgy. Nangka, Consolacion, Cebu.
Sumala sa Consolacion Municipal Police Station, nakadawat sila ug usa ka report kabahin sa usa ka rambol nga miresulta sa pagpamusil.
Dugang pa sa wala pa mahitabo ang pagpamusil, ang duha ka grupo nga gituohang Bloods ug Creeps ang nanag inum pa sa managlahing lamesa ug nidangat ngadto sa panag-away, diin nag kinulatahay og naglinabayay ug botelya.
Pagkahuman sa insidente, ang biktima nga si Comoro Jr., nga gituohang miyembro sa βBloodsβ ang kalit lang gipusil sa suspek uban sa iyang mga kauban nga mga miyembro sa grupo nga βCreeps.β
Ang biktima daling gidala sa pinakaduol nga tambalanan alang sa medikal nga pag-atiman.
Ang Consolacion PNP nagpadayon pa sa imbistigasyon aron masuta ang tinuod nga hinungdan ug detalyado nga mga panghitabo.
I via Renante Lada