Mibalik na og kusog ang pagdagsa sa mga turista sa Whale Shark Briefing Area sa Oslob samtang nahuwasan ang panahon ug nagpadayon ang promosyon sa lokal nga turismo. Sagul ang mga bisita, lokal man o langyaw, ang nagtapuk sa baybayon aron makakita sa bantugang whale sharks.
Sumala sa lokal nga kagamhanan, balik-operasyon na ang mga atraksyon sa Oslob, ug andam pag-ayo ang komunidad sa pagdawat sa mga bisita. Gipasigarbo usab sa LGU ang kainit sa pag-abiabi sa mga Sugboanon, nga padayon nga naghatag sa maayong kasinatian sa mga turista.
Gawas sa whale watching, gidasig usab ang mga bisita nga motultol sa ubang talagsaong destinasyon sa habagatang Sugbo—lakip na ang mga busay, matahum nga mga isla, ug mga lugar nga bahandi sa kultura ug kasaysayan.
Gipasabot sa mga opisyal nga gisusi ug gi-inspeksyon ang matag destinasyon aron masiguro nga matuman ang mga safety protocol. Tumong niini nga ang kada biyahe sa mga turista mamahimong dili lamang makalingaw ug memorable, apan luwas ug komportable gayud.
I via Renante Socia Lada