Ang Police Regional Office 7 (PRO7) nagpatuman karon og hugot nga monitoring sa rehiyon human nanggawas sa social media ang mga bakak nga taho nga adunay kuno daghang tawo nga nagtapok sa Mendiola sa wala pa ang mga aktibidad sa Nobyembre 16–18.
Matod sa PRO7 ug sa PNP National Headquarters, klaro nga bakak ug sayop ang maong mga post. Gihimo kini aron makapahadlok ug makalibog sa katawhan. Tungod niini, mas gipakusgan sa PRO7 ang ilang cyber monitoring ug paghatag og saktong impormasyon aron malikayan ang kasamok ug masiguro nga tinuod ug gi-verify ang impormasyon nga madawat sa taga-Central Visayas.
“PRO7 stands firmly with the PNP in countering false narratives and upholding truthful, responsible information sharing, ” segon ni PBGen Redrico Maranan, Regional Director, PRO7
Gipahimangnoan sa PNP ang tanan nga dili ipakaylap ang mga post nga walay klarong tinubdan. Ang bisan kinsa nga tuyo nga mosabwag og disinformation mahimong pasakaan og kaso.
Nag-awhag ang PRO7 sa publiko nga magpuyo nga kalmado, alerto, ug magbaton og saktong kasayuran samtang andam ang PNP nga manalipod sa kalinaw ug kahapsay sa tibuok rehiyon.
Source: PRO7 PIO
I via Renante Socia Lada